أحمد سالم ولد كعباش
يزميلت لكطوط أ راعيك عاكب نعمك ذاك أمليـك
نعمـك متعـدل وهاليـك حالتهـم كانـت مظبـوط
ألا ذاك أعلـي لمغليـك لمغليـك أعلـي مــوط
عندك ريت المنه فاعطيب أعشـي تـوط مـاتـوط
عند أهل أبيطات أفلكسيب عندك يزميلـت لكطـوط
سيد محمد ولد الكصرى
نبـغ نجبـــر حــد لبتيت = فايــد لبتيت إلى خـليت
فايد لبتيت أنعود أنجيت = من حق أدرت فايد إمين
بـي غارش عنـى مريت = بـيه إلى درت بين أيدين
مــاه أمينين أعلـيه أبتيت = البظــــان أل مــاه أمتين
وان شبت أولادم شــاب = ضـرر لبتيت أعليه أمتين
وأتركـت وعملت إرتكاب = للــــوم أخف الضــررين
باب أحمد ولد البكاي
دلالــــى يعـــز البي = أشكيفــــك يالبــيك النــي
وأياك أحوالك مرضي = والريم الشورك مدروك
وآن ماطـــارى ش في = وأعــل حــــال مبروك
والريم أل تعرف يحظيك = كـانت بالبلك مشكــــوك
لاصك فيه من يوم أمجيك = أبليس أعادت معــروك
والصكت آن فيه من ذيك = لصكت محمد قريــــوك
سيد ولد الزين
كوم للى فخلاكك مورود = من لحواش أوانك مكرود
يومك لــول من فم أتكود = يجمــلى لين أتعكــب زار
واليــوم الثانى من لبــرود = أعليـــك ألاتتمش جـــــار
والثالث تتحشلف مكرود = أمن الصبح إيل لصفــرار
والرابع فرظ أعليه إعود = هــــو يــوم أمجين لطــار
غير أطار أحن لاجيناه = مفــروظ أنكيس حد أفـــدار
أذاك الحال إلى وسيناه = ينكــــال أن عدلــن عـــــار
ويـــل كمـــن ماعد لنـــاه = أنعـــــود مــاجين لطــــار
الشلال ولد ببان
أتكـــــــول عن مــــاغنيت = أعليك أفلبيـــاظ ألبتيت
يالصيــده ونى ذلـــى طيت = أنغنـــــــى لغــن ماكلت
كــون لغيـرك وان غزيت = يغيــــر آن لغـــن صرت
ذيك الكــاسمت ماكطيت = للـــى غيرك فــر أوزنت
وإيـــل عت ألانى منصـوف = للــى غيرك كــط أبدعت
ذيك الساعة بدعى مصروف = ذيك الساعة عن ظاهرت
سيدى محمد ولد الكصرى
يامس دارى بالغان أحيات = ذاك ألى شكيت أن مات
مــــن تليــــاع فيه ومحات = من لخلاك الخـــــاطيــه
أتلفــت أعليـــــه مــــرات = كيف ألى ناسى شى فيه
وأعكبت أمنين أبعيد أبكات = ونبيــت أتلفت أعليــــــه
تلفيت منـــى مـــــاخــلات = فظــل لاهى نكـــره بيــه
ولل نبق ذللى مــــوجــــود = أتل فــــــالدني خاطيــــه
مـــاه أتل خالك لين أنعود = نكـــــــره ولل نبقيــــــــه
سيدات ولد أحبيب
هاذ لكليب الذاك أحداد = راص بان أعرفت لعاد
لكليب ألى نعرف سِواد = عند لغياد أكبل فدهــــور
نوب فيــــه سواد مكاد = لخلاك أعل جبر الخطور
والشبــــان أحسن النشاد = ينشد مــاه ليعرف لبحور
ألقيـــاد أل التعين معــاد = دين أتجيه أفبطحة كامور
ويـــل ران كلت مـــاكنت = نبق كاع أنكول المطيور
بـي بـــاط أنى كــلت فت = كـــول سابك هاذ بشـــور
محمد ولد الشيخ ولد آدب
أشوى كنت البظان أتجيك = تلهيك الكط أنكال أعليك
تحكيــه أعليك ألا ناسيك = حد إجيك من أحبابك كـان
وركاب أزوان أتماسيك = وعليـــــك تبكـــر بـــزوان
وتبــــان الدني كلت فيك = الدنــــي محــل النقصــــان
وبلامــان أكلته ذيك فيك = أصبــــــره لافيك أتبـــــان
أبلى فيك أمن الغيظ أسكت= عت أفنوب مكطوع السان
خوف إبان أنت ساهى عت = أسكت لاتبكــى لاتشيـــان
السبت مايو 30, 2009 3:34 pm من طرف 
